Gutangura wiryohera ugasanga uronse aba-fana ba Bollywood – BBC News Gahuza

Mu mwambaro wabo uranga aba-Maasai kandi bakikijwe n’inka, abanya-Tanzania ba vuba mu kuba rurangiranwa kuri Tik Tok, abavukana Kili na Neema Paul, bariko bitegurira gufata video yabo ya vuba.

Terefone ngendanwa igezweho yashinzwe ku nkingi imetero nkeya imbere y’inzu yabo muri Mindu Tulieni, ikigwati gito co mu ntara ya Pwani yo mu buseruko,

Igisagara kiri hafi, Lugoba, kiri ku rugendo rw’isaha n’amaguru. Mu gihe ico kigwati ata muyagankuba gifise, Kili akigendera buri munsi kugira ashire umuriro muri terefone yiwe.

Mu kwitegurira gufata iyo video , Kili, w’imyaka 26, ahagaze inyuma ya mushikiwe w’imyaka 23, Neema.